Baba siddique bandra kurla
Baba Siddique: आरोपी मुंबईत कुठे राहत होते, सुपारी कितीची घेतलेली, पंजाबशी काय संबंध? सिद्दीकी हत्या प्रकरणात मोठी अपडेट
Authored byनुपूर उप्पल | महाराष्ट्र टाइम्स.कॉम | Updated: 13 Oct 2024, 11:04 am
Subscribe
Baba Siddique Death: बाबा सिद्दीकी यांची गोळ्या झाडून हत्या करण्यात आली आहे.
याप्रकरणातील दोन आरोपींना पोलिसांनी अटक केली आहे. तर तिसऱ्याचा शोध सुरु आहे.
यात त्यांचा मृत्यू झाला. हे तिघे आरोपी रिक्षातून आले आणि त्यांनी थेट सिद्दीकी यांच्यावर गोळ्या झाडल्या.
पोलिसांनी या तीनपैकी दोन आरोपींना अटक केली आहे. तर, तिसऱ्या आरोपीचा शोध सुरु आहे. तसेच, ज्या आरोपींना पोलिसांनी अटक केली त्यांच्या चौकशीतून अनेक धक्कादायक गोष्ट समोर आल्या आहेत. सिद्दीकी यांच्या हत्येचा कट कसा रचला गेला, त्यासाठी किती रुपयांची सुपारी दिली, आरोपी कधीपासून आणि मुंबईत कुठे राहत होते, ही सर्व माहिती समोर आली आहे.
आरोपी कुर्ल्यात मुक्कामी, बाबा सुद्दीकी यांच्या घराची महिनाभर रेकी
बाबा सिद्दीकी यांची गोळ्या झाडून हत्या केलेल्या आरोपींबाबत आता मोठी माहिती समोर आली आहे. २ सप्टेंबरला मुंबईत आले होते. तेव्हापासून हे आरोपी कुर्ल्यात भाड्याने खोली करुन राहत असल्याची माहिती आहे. या खोलीसाठी ते महिन्याला १४ हजार भाडं देत होते. चार जणांनी मिळून बाबा सिद्दीकी यांच्या हत्येची सुपारी घेतली होती, अशी माहिती आहे.
हे आरोपी प्रत्येकी ५० हजार रुपये वाटून घेणार होते, अशी माहिती पोलीस सूत्रांनी दिली आहे.
Marchese rangoni machiavelli biography
२ सप्टेंबर ते १२ ऑक्टोबरदरम्यान या आरोपींनी बाबा सिद्दीकी यांच्या घराची आणि कार्यालयाची रेकी केली. बाबा सिद्दीकींच्या प्रत्येक हालचालीवर त्यांचं लक्ष होतं.
पंजाबमध्ये तुरुंगात असताना हे तिघे आरोपी एकमेकांच्या संपर्कात आले होते. तिथे आधीपासून बिश्नोई गँगचा एक आरोपी होता. त्याच्या संपर्कात हे तिघे आरोपी आले. तेव्हा बाबा सिद्दीकी यांच्या हत्येचा कट रचण्यात आला होता.
शिवा नावाचा तिसरा आरोपी आहे. सध्या पोलीस त्याचा शोध घेत आहेत. मुंबई पोलिसांची वेगवेगळी पथकं बाहेरील राज्यात रवाना करण्यात आली आहे.
पोलिसांनी बाबा सिद्दीकी हत्या प्रकरणात अटक करण्यात आलेल्या शूटर्सचे बिश्नोई गॅंगशी संबंध असल्याची माहिती आहे. सध्या मुंबई क्राइम ब्रांच या घटनेचा तपास करत आहेत.
दिल्ली पोलीस स्पेशल सेलचे इंटेलिजन्स युनिटही मुंबई पोलिसांच्या संपर्कात आहेत.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव.
राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा... आणखी वाचा